Msuva Ahukumiwa Jela Maisha Kwa Kosa la Ubakaji
MAHAKAMA ya Wilaya ya Kilolo, mkoani Iringa, imemuhukumu Fredrick Msuva ,44, mkazi wa kijiji cha Ilutila, kifungo cha maisha jela kwa kosa la kubaka.
Msuva alikamatwa na Jeshi la Polisi na kufikishwa mahakamani kujibu tuhuma zilizokuwa zinamkabili.
Katika kesi hiyo iliyosikilizwa Februari 20, 2025 mbele ya Hakimu Maleko, Msuva alihukumiwa kifungo cha maisha jela na pia aliamriwa kulipa fidia ya shilingi 700,000 kwa muathirika wa tukio hilo. Fidia hii itakuwa fundisho kwa watu wengine wenye tabia kama hiyo.
Hakimu Maleko alisema kuwa adhabu hiyo ni muhimu ili kuonyesha msimamo wa sheria dhidi ya vitendo vya ukatili, hasa ubakaji, na kuhamasisha jamii kuwa na hofu ya kufanya uhalifu. Mahakama pia ilisisitiza umuhimu wa kulinda haki na ustawi wa waathirika wa vitendo vya kikatili.
#Habari #IRINGA